Microsoft објави дека Service Pack 1 за Windows Vista е ставен во производство, но нема да биде достапен за корисниците до средината на март.
„Бета тестирањата кои ги спроведовме покажаа мал проблем со неколку драјвери“, изјави Мајк Неш, директор за развој на производи, додавајќи дека од тие причини ќе „доцни“ појавувањето на SP1.
Како резултат на тоа, Windows Update нема да ги симнува драјверите кои се уште се во процес на подобрување, а во моментот недостасуваат. Лицата кои ќе користат SP1 нема да имаат проблеми со драјверите бидејќи тие во моментов не се наоѓаат во тој пакет.
Се планира соработка со некои произведувачи на хардвер со цел драјверите да се прилагодат на сите компјутери. Кон крајот на април на корисниците на Vista SP1, при автоматски апдејт ќе им бидат понудени сите унапредени драјвери.
„Целата приказна околу драјверите ветува многу - Vista сега поддржува повеќе од 80.000 компоненти“, изјави Мајк Хаиг, директор на маркетинг.
Компјутерите кои досега немале никакви проблеми со драјверите, со SP1 ќе работат уште подобро, бидејќи во новиот пакет се вметнати и компоненти кои влијаат на перформансите. Според тестирањата на Microsoft, некои од компјутерите покажале подобрување на перформансите дури за 50 отсто.
{Д.Т}