Google Translate (најпознатиот online сервис за преведување на Google), додаде нови јазици меѓу кои и македонскиот. Ова можеби е најдобрата вест која сме ја добиле од Google, бидејќи сега на многу лесен начин ќе можеме да преведуваме од над 40 јазици на македонски, па дури и цели сајтови. Целата вест вчера беше објавена на официјалниот блог на Google.
Освен македонскиот, во Google Translate се додадени и африканскиот, белорускиот, исландскиот, ирскиот, малезискиот, велшкиот и свахилскиот.
На официјалниот блог, Google за македонскиот јазик напишал дека има помалку од 3 милиони говорници и многу непријатели.
Бројот на јазиците поддржани од Google е 51, а според најавите од компанијата тој наскоро се очекува повторно да порасне.
За да го тестираме сервисот го преведовме ИДИВИДИ на англиски.