Интернет гигантот Google одлучи за прв пат во јавноста да претстави неколку детали од својот операциски систем. Google Chrome OS ќе се разликува од останатите оперативни системи по една клучна особина – во целост ќе се осврне на интернет услугите и сè ќе биде прилагодено за веб пребарувачот Google Chrome.
Сите апликации и податоци ќе се наоѓаат на интернет, а подигнувањето на софтверот ќе трае само неколку секунди (најверојатно за седум, јавија од Google).
Google Chrome OS ќе биде наменет првенствено за користење на netbook компјутерите, бидејќи за работа не бара голема хардверска поддршка, како што е тоа случај со класичните оперативни системи.
Овој операциски состав излезе од таборот на Google, но кога ќе се погледне „под хаубата“ ќе видиме дека се работи за прилагодена верзија на Linux.
Google Chrome OS сè уште не е излезен ниту во бета верзија, но од компанијата одлучија на јавноста да и покажат некои од карактеристиките. Службеното појавување на Google Chrome OS ќе биде во декември идната година.