Оваа година кружеа разни шпекулации за новиот iPhone 5 во копманијата Apple, а според последните информации, продажбата на популарниот смартфон ќе започне за помалку од месец дена.
Анонимен извор вработен во компанијата Verizon, изјавил дека американскиот гигант им забранил на своите вработени да одат на годишен одмор од 21-ви до 30-ти септември. Се очекува дека Apple ќе го претстави својот нов iPhone на 12-ти септември.
Компанијата има намера да го претстави својот нов телефон во петок, како би можеле купувачите да имаат време преку викендот да го набават овој популарен уред. Таквиот пристап се користи и во филмската индустрија.
Со оглед на информациите од Verizon, продажбата на iPhone-от би требало да започне најдоцна до 21-ви септември, а официјалното барање од компанијата вработените да бидат присутни на работните места навестува дека Apple се подготвува за голем чекор.