Со нетрпение очекуваната нова сезона на ’24′ ќе се појави поскоро отколку што беше најавено.
Мрежата FOX објави дека телевизискиот трилер со Кифер Сатерленд наредното лето ќе добие уште една сезона овојпат сочинета од 12 епизоди.
Продуцентот Хауард Гордон откри дека сезоната насловена 24: Live Another Day ќе започне уште во април.
Запрашан за распоредот на снимање тој вели: “Започнуваме во јануари а во програма одиме во април”
За време на емитувањето од 2001 до 2010, ’24′ беше позната по иновативниот метод на дејство во реално време, што значеше дека секоја сезона е сочинета од 24 епизодни кои опфаќаат приказна сместена во едно деноноќие, односно секоја епизода по еден час од животот на ликот на Сатерленд, Џек Бауер.
Објаснувајќи како новите епизоди ќе бидат распоредени, продуцентот вели: “Ќе го искористиме времето така што 12 епизоди ќе го опфатат текот на денот, од утро до вечер”
Во врска со појавувањето на Клои О’Брајан, Бауеровата верна колешка играна од Мери Лин Рајскаб: “Се надевам и како фан и како продуцент дека Клои ќе се врати, но, вистината е дека сеуште сме во подготовки. Ништо сеуште не е напишано па не сме целосно сигурни за многу сегменти”.