Душан Љубисављевиќ – Дуле, пејачот од дуото „Дуле и Коки“ денеска ќе биде погребан во 14 часот во својот роден град Штип, каде е прогласен ден на жалост.
По тој повод, знамињата се спуштени на половина копје, а пред платото на домот на културата Ацо Шопов, во чија сала Дуле и Коки беа победници на фестивалот на забавни мелодии „Макфест“, граѓаните на Штип палат свеќи и му оддаваат почит на својот сограѓанин.
Градоначалникот на Штип, Илчо Захариев испрати телеграма со сочуство до семејството на починатиот.
Дуле почина вчера околу 11 часот на Ургентниот центар во Скопје на клиниката за токсикологија.
Здравствената состојба на Душан Љубисављевиќ била тешка уште во саботата, но по мало подобрување, тој вчера ја загубил битката што ја водел во последниве месеци против ракот на црниот дроб, за која знаеле само најблиските.
Фото ТВ Стар - Штип