Илма, која има 13 години, го воодушеви жирито на регионалниот X Factor, а популарниот пејач Жељко Јоксимовиќ ја прогласи за чудо од дете! Илма Карахмер, која потекнува од босанскиот град Кисељак успеа да ја воодушеви и нашата редакција, па токму поради тоа таа е наш избор како да го започнете денот.
Ова девојче во Белград дошла со цел да се испроба во реалното музичко шоу X Factor, кое за прв пат дојде во нашиот регион. Дека патот се исплател видовме сите, бидејќи публиката и жирито по нејзината изведба станаа и започнаа да ракоплескаат поради тоа што го слушнаа, а тоа беше изведбата на песната „Има еден свет“ од Зорица Кондџа.
- Сакам поп музика. Не знам, некои се и баш љубоморни на мене и ме гледаат чудно. Тоа ми смета, тоа јас не го сакам бидејќи сакам да имам пријатели, изјави Илма пред настапот, а кога запеа веднаш на сите ни стана јасно зошто има толку многу љубоморни околу неа.
Жељко, кој се наоѓа во жирито, не можеше да престане да говори „Браво, браво, браво“, додека девојчето пееше, а кога сите од жирито станаа, публиката започна да извикува, „Сакаме уште“!
- Таа има 13 години, луѓе мои, нешто најфеноменално кое што сум го чул во светот. Ти си чудо, изјави Жељко Јоксимовиќ.