Државната новинска агенција на Северна Кореја денес потврди дека земјата е првата во светот која пратила човек кој слетал на Сонцето.
Според информациите астронаутот Хунг Ил Гонг заминал кон Сонцето на специјално дизајниран брод во 3 часот ова утро. По 4-часовен лет, тој успеал да слета на површината.
-Пресреќни сме што можеме да соопштиме дека мисијата за слетување на сонцето е успешна. Северна Кореја ја победи секоја држава на светот во трката кон Сонцето. Хунг Ил Гонг е херој и заслужува херојско добредојде кога ќе се врати дома вечерва.
Гонг треба да се врати на Земјата во 9 часот вечерва каде ќе биде пречекан од својот вујко и врховен водач Ким Јонг Ун.
За сега познато е дека 17-годишниот истражувач на Вселената патувал преку ноќ за да ги избегне сончевите зраци и токму тој негов брилијантен потег и го донесе на оваа земја првото место во слетување на Сонцето.
Но, тоа не е се. Гонг е толку посветен на својот лидер што дури земал примероци од Сонцето со цел да му ги подари на својот сакан врховен водач.
По ова и нашата Влада сериозно размислува да инвестира во градењето на вселенски летала, со цел да биде во чекор со светот, а пред сè со Северна Кореја.
Поверувавте ли во ова? Се надеваме не. Но, сепак станува збор за Северна Кореја каде сè е можно J.