Обичните патики се лесни, удобни и изгледаат стилски, но обично не се премногу издржливи, ниту пак нудат добра заштита за стапалата.
Револуционерните патики “Ryder” на компанијата Indestructible Shoes (неуништливи чевли) се токму спротивното – како што самото име им кажува, тие се специјализирани обувки кои можат да издржат сериозно „малтретирање“.
Се работи за совршена хибридна патика која ја комбинира заштитата и издржливоста на работничките обувки, со стилот и удобноста на обичните патики.
Горниот дел им е конструиран од материјал кој ја отфрла влажноста направен од материјал кој се употребува за заштитни облеки на војската, кој нуди целосна заштита од тешки предмети кои во спротивно би можеле значително да ги повредат стапалата.
Ѓонот е исто така направен од материјал кој има и воена употреба и е екстремно флексибилен, истовремено и комплетно непробоен. Во патиките има вградено и технологија за апсорбирање на удари, како и електрична изолација, а материјалот е отпорен и на лизгање (во случај на газење врз мокра или лизгава површина).
Доаѓаат во 4 стилски бои (сива, црна, зелена и розова), а регуларната цена им е $160.