Во 2011-та, нуклеарната електрана Daiichi во Фукушима ја имаше една од најлошите хаварии во историјата, катастрофа со која регионот и ден денес се справува.
Сега, оваа јапонска област со скоро 2 милиони жители сака катастрофата да ја остави зад себе и до 2040 регионот да го напојува со 100% обновлива енергија.
Еден проект вреден 2.75 милијарди долари делумно финансиран од владата има за цел да конструира 11 соларни и 10 фарми со ветерници на напуштени земјишта и планински предели, кои комбинирано ќе овозможуваат 600 мегавати енергија (во споредба со 4700 мегавати добивани од нуклеарниот реактор). Од Фукушима исто така планираат геотермални електрани, како и такви кои ќе функционираат со биомаса.
Инаку, само 17.4% од потрошувачката на енергија во Јапонија во 2018-та доаѓала од обновливи извори, а земјата сè уште силно зависи од јагленот и природниот гас и останува третиот по ред најголем увозник на јаглен во светот.