Универзитетот на Сент Ендрјус во Шкотска, еден од најстарите универзитети во светот, е потресен од скандал откако повеќе од 20 жени тврдат дека биле силувани и сексуално нападнати во кампусот.
Повеќето обвинувања се однесуваат на братството „Алфа-ипсилон-пи“, кое не е официјална универзитетска групација.
Универзитетот, каде што студирале и некои членови на британското кралско семејство, соопшти дека ќе соработува со полицијата во истрагата. Обвиненијата беа подигнати анонимно на Инстаграм-страницата „Сент Ендрјус: Преживеани“. Се работи за над 20 студентски обвиненија за силување и неколку други обвиненија за поинакви форми на сексуален напад, физички напад и принуда.
Огранокот на братството во градот Сент Ендрјус суспендираше неколкумина свои членови по обвиненијата.На овој престижен Универзитет своето образование го стекнале и принцот Вилијам и неговата сопруга, војвотката од Кембриџ, Кетрин Мидлтон.