Една двојка од Јужна Кореја ја направи грешката на својот живот, откако ненамерно уништи слика вредна 500 илјади долари.
Уметничкото дело, кое е изложено во една галерија во Сеул, сега е уништено бидејќи парот мислел дека станува збор за интерактивна уметност. Двојката беше уловена од безбедносните камери додека ги користи боите и четките оставени пред сликата мислејќи дека делото е од оние на кои посетителите на галеријата можат да остават свој печат.
-Веднаш ја повикавме полицијата и зборуваме со осигурителната компанија за оштетената слика. Ќе се обидеме да ја минимизираме казната по двојката која го вандализирала делото...Тие навистина мислеле дека им е дозволено да го направат тоа, како партиципативна уметност и со тоа направиле грешка, велат од галеријата.
Се уште не е познато дали ќе се направи обид за враќање на уметничкото дело во претходната состојба или пак сликарот кој што ја насликал сликата ќе ја изложува пред јавноста со новиот „детал“.