Кога завршува работата, а кога започнува слободното време?
Со развојот на технологијата, глобалната пандемија на Ковид 19 и воведувањето на работа од дома, се повеќе луѓе не знаат да дадат вистински одговор на ова прашање. Истражувањата покажуваат дека сите овие дополнителни часови негативно влијаат на целокупната благосостојба на вработените, што резултира во сe помалку време поминато со пријателите и семејството.
Heineken се справува со овој проблем преку ,,The Closer“, чуден високотехнолошки отворач за шишиња кој веднаш ги затвора сите работни апликации кога шише Heineken ќе се отвори со него. Closer е сатиричен симбол за моќта што секој работник треба да ја има на крајот од денот.
-Додека луѓето продолжуваат да се чувствуваат како да мора да работат постојано, тие забораваат дека исклучувањето е опција, вели Бруно Бертели, главен креативен директор на Publicis Worldwide, водечката агенција што ја создаде кампањата.
-Затоа го создадовме ,,The Closer“. Тоа не е само технологија, тоа е социјална провокација да им помогнеме на луѓето да видат дека притисокот да се работи постојано станува малку смешен и сите ние имаме моќ да се одјавиме и да се дружиме со нашите пријатели, додава тој.