- Мојата најтажна фотографија до сега, напишал германскиот астронаут Александер Герст, кој ја фотографирал Газа од Меѓународната вселенска станица.
На фотографијата се гледа околината на Газа со експлозии и ракети. Ова е една вознемирувачка фотографија, која Александер ја објавил на неговиот профил на Twitter.
Да ве потсетиме дека на 16-тиот ден на израелската војна, убиени се повеќе од 50 Палестинци, со што бројот на жртвите се искачи на 680. На спротивната страна има 34 мртви Израелци од почетокот на оваа војна. Меѓу жртвите во Газа има многу деца, но најмногу од жртвите се цивили.
Повеќе од 118.000 луѓе избегаа од своите домови во Газа и најдоа засолниште во некои од камповите на ОН.