Harmony of the Seas, најголемиот брод кој се градеше цели три години конечно заплови од пристаништето во Франција со 500 членови на екипажот со цел да се испроба неговата работа. Градењето на овој брод чини 1.1 милијарди долари.
Имено тој е подолг од Ајфеловата кула за 50 метри, додека од Титаник за цели 100 метри. До недела, бродот ќе кружи низ водите во Франција, со цел да се тестира моторот на бродот. Сопственици на бродот се Royal Caribbean International, кои исто така ги поседуваат и претходните два најголеми бродови во светот, Allure of the Seas и Oasis of the Seas.
За пловењето симултано тренираа тројца морнари во текот на целата година, со цел да му помогнат на капетанот на бродот. Harmony of the Seas има капацитет да смести 6.000 гости. Иако уште не е дозволено да се плови со него, со месеци им беше дозволено на секој што сака да го посети бродот и да го ѕирне луксузниот ентериер, кој има дури 18 палуби.
Во огромниот брод, гостите може да се забавуваат во ексклузивни салони, соби и апартмани, но и во огромните водени паркови кои нудат лудории за сечиј вкус. Исто така може да го посетат огромниот театар, спортските терени, зоната за млади, базените, салата за вежбање и спа центарот.
Следниот пробен период ќе се одвива при крајот на април, додека резултатите за тоа дали бродот е доволно добар ќе се објават на 12 мај. Кога ќе биде целосно подготвен, бродот ќе заплови со 2000 членови на екипажот и со доволен број на гости низ водите на Медитеранот.