Кои се најчистите плажи на Јадранското крајбрежје?

Знаевте ли дека на Јадранското крајбрежје има плажи кои се меѓународно признати како многу чисти? Ако забележите бело знаменце на плажа, тоа не значи дека се предаваат поради нечистотија туку дека плажата е мошне чиста.

Истра и Пула

Плажите Верудела и Јахт ја носат титулата на чистота уште од 2013 година, кога хотелската куќа Arenaturist започна со чистење на морето во должина од километар и половина.

Плажата Соларис во Шибеник

Исто и оваа плажа пред 3 години беше исчистена благодарение на хотелот Solaris Resort. Белото знаме на плажата беше поставено со падобран, а им го врачи поранешната актерка и модел Бјанка Џегер.

И плажите на југот од Хрватска се чисти

Ако се спуштите подолу од Сплит ќе може да уживате во неколку чисти плажи. Во Брач се наоѓаат дури три интернационално признати плажи за чистота, а тука спаѓаат Златни рат, кој веќе три години ги исполнува магазините за патување, како и Три моста и Бањ. За чисти се сметаат и плажите Сташко во Паг, Брела и Подраче, кои исто така се обележани со бели знамиња.

Доколку ви е важна чистотата на местото каде што ќе одите на одмор, потрудете се да ги пронајдете оние плажи со бело знаменце.