Патувањата се прекрасен начин за откривање на нови градови, простори и „полнење на батериите“ од стресот во нашето секојдневие.
Мал дел од нас можат да си дозволат одмор и рекреација преку патување во странство, а уште помалку можат да си дозволат да патуваат повеќе пати во годината.
Но, како да успеете да патувате повеќе, а вашиот паричник да не ги почувствува последиците?
Направете финансиски план
Ако патувањето ви е еден од приоритетите, тогаш погрижете се и вашите финансии да се отсликуваат во тие приоритети. Еден од советите кои експертите и лицата што навистина многу патуваат, е да скратите на трошоците од другите аспекти во вашиот живот. Ако навистина не ви е потребен најновиот iPhone, тогаш дел од парите издвојте ги на страна за патување. Исто така ако не ви е потребна скапа брендирана облека, обидете се да купувате во бутиците со поефтина облека. Јадењето во ресторани е навистина скапо, а исто така и јадењето на готова храна. Затоа обидете се само еднаш или два пати во неделата да јадете надвор. Во остатокот од неделата подготвувајте си оброци дома. Ќе заштедите и ќе внимавате на линијата во исто време.
Отворете си штедна сметка
Ако не сте во можност да штедите сами, препуштете и го тоа на банката. Отворете штедна сметка и таму одвојувајте сума од месечната плата која знаете дека ќе биде за патување.
Умно резервирајте пред да заминете на патување
Резервациите за сместување се екстремно важни, но мора да внимавате. Ако немате деца обидете се да престојувате во хостел на вашето следно патување. Тие не се само за студенти, а постојат голем број на одлични и евтини хостели во кои ќе можете да престојувате. А ако веќе преферирате хотели, одберете хотели кои имаат и базен. Така ќе заштедите многу пари, особено ако имате деца. Базенот за нив ќе биде одлична забава, а и вие ќе имате можност повеќе да внимавате на нив. Исто така нема да потрошите еден куп пари на сувенири, играчки и други активности.
Одберете аранжман со полу-пансион
Ако веќе правите аранжман, направете го да биде со полу-пансион. Нема потреба да инвестирате во полн пансион особено ако не планирате да го искористите. Добро е да биде вклучен појадокот, но ако го поминете цел дел во разгледување, сончање или истражување на местото во кое што сте пристигнале, едноставно нема да имате време за јадење.