Ако наскоро планирате да организирате романтично патување ви нудиме неколку места во светот кои се опишани како најромантични од корисниците на Booking.com.
Ова се идеалните места на кои можете да го поминете вашиот меден месец или пак да прославите годишнина и да уживате со својот сакан, односно сакана.
Па, да започнеме:
1. Колиур, Франција
Совршена замена за Париз, кој со гордост ја носи титулата најромантичниот град во светот. Ако не сакате гужва тогаш спуштете се на југ и доживејте го во целост Азурниот брег.
Запознајте се со лозјата чие вино ќе го пиете на залезот на сонцето, истражете ги замоците, црквите, уживајте во историјата и не заборавајте да ги посетите локалните пазари кои служат исклучиво свежи производи.
2. Требон, Чешка
Требон е идеално решение ако сте љубители на класичната средновековна архитектура, а Виена и Будимпешта веќе ги имате посетено.
Комбинацијата на барок и ренесанса ќе направат да се чувствувате како да сте излезени од бајка.
3. Палм Ков, Австралија
За сите оние кои ги сакаат далечните патувања, Австралија во последно време е многу популарна дестинација. Но, зошто токму Палм Ков?
Тоа е единствено место кое е најслично со Големиот корален гребен.
Тиркизно синото море и бисерно белите плажи ќе ве освојат, а ако сакате може да побегнете на некоја од многуте скриени плажи.
4. Делфт, Холандија
Не е Холандија само Амстердам. Запознајте го шармантното гратче Делфт во чија архитектура и шарм ќе се вљубите на прв поглед.
Родниот град на најпознатиот холандски сликар Јоханес Вермер е препознатлив по своите тесни канали покриени во есен со жолти листови. Плус ова гратче има многу мостови кои се идеални за романтичен бакнеж.
5. Монсараз, Португалија
Можеби куќите искречени во бело на прв поглед ќе ве излажат, па ќе помислите дека сте на Санторини во Грција. Но, не е така.
Ова е место каде ќе можете да ја доживеете вистинската Португалија.
Ќе имате можност да ја запознаете локалната кујна во малите ресторани и да уживате во португалското вино кое е заштитен знак во оваа област.