Luxury Travel Advisors е компанија која ќе ви пружи незаборавно искуство на вашиот нареден одмор, со тоа што ќе го снима целиот и потоа ќе го измонтира во стил на високобуџетен документарец како оние што ги гледаме на National Geographic и слични канали.
Оваа компанија може ве испрати вас плус уште три пријатели на егзотична локација, каде што екипа од 5 члена постојано ќе ве следи со камери и целата потребна опрема за снимање на документарец.
Сега засега се нудат 4 дестинации кои се комбинација на луксузно патување, одговорен екотуризам, конзервација, и искуство кое се случува еднаш во животот. Сите опции вклучуваат и приватно прикажување на филмот за пријателите и фамилијата.
Во мај се случува турата наречена „Срцето на Арктикот“, каде што може да се „дружите“ со поларните мечки во Норвешка, или пак да одите на „Африканско Ветеринарно Сафари“ во Јужна Африка каде што ќе може одблиску да ги погледнете конзервациските напори на Др. Вилијам Фоулдс - ветеринарен хирург познат по неговите напори за спречување на ловот на носорозите за нивните рогови и нивно третирање доколку тоа го преживеале.
Во август може да се оди на турата „Бразилски истражувач“, која ќе ве испрати во Јужен Пантанал каде ќе може да се „дружите“ со анаконди, јагуари, и џиновски мравојади, или пак ви септември да го прославите 150-тиот роденден на Канада со турата „Среќавање на канадски мечки“.
Компанијата планира уште 3 нови патувања кои ќе вклучуваат посета на светилиште на тигри во Индија, можност да пливате со ајкулите во Бермуда, како и авантура во паркот Јелоустоун.
Како и што самото име на компанијата вели, овие екскурзии се навистина луксузни – на пример, „Срцето на Артикот“ чини $172 500 по група.