Од храна никогаш доста. На светот постојат милиони различни вкусови кои допрва треба да ги откриете, па навистина би било штета постојано да јадете една иста храна. Во прилог ви претставуваме неколку јадења кои едноставно мора да ги пробате ако се најдете во некоја од овие европски земји.
1) Wiener Schnitzel (Виенска шницла) – Австрија
Ова австриско национално јадење е задолжително да го пробате доколку се најдете во оваа земја – супер тенката пржена шницла од свинско или пилешко месо ретко кого го остава рамнодушен.
2) Carbonnades Flamandes (Фламанска чорба) – Белгија
Покрај превкусните вафли и помфрит, пробајте ја и оваа чорба од бифтек, во која во готвењето наместо вино е додадено пиво.
3) Халуми – Кипар
При посета на Кипар, пробајте го ова полутврдо сирење направено од микс од козјо и овчо млеко, кое не се топи кога се пржи.
4) Poronkäristys – Финска
Oва е месо од ирвас кое баш и нема да имате прилика да го пробате во друга земја, за кое велат дека има подобар вкус од месото од елен. Се јаде преку цела година и има иконски статус во регионот.
5) Steak tartare ( Тартар бифтек) – Франција
Тартар бифтек е порција од свежо месо (бифтек или коњско), кое вообичаено се служи со компир, кромид, бибер или ворчестер сос, а понекогаш и со свежа жолчка од јајце.
6) Kürtőskalács – Унгарија
Оригиналното име му е „киртешкалач“, а познат е и како оџак-колач или унгарски свадбен колач – се прави така што тестото се премачкува со истопен путер, се пече додека не се „позлати“, а потоа се валка во шеќер, цимет или мелени ореви. Исто така може да се полни со било што, од сладолед, до Nutella.
7) Црн пудинг – Ирска
Ирската храна ја нема репутацијата како нивните пива, но ирскиот црн пудинг дефинитивно вреди да се проба. Ова е еден вид на крвав колбас направен од маст од свиња или добиток, измешан со свинска крв и овес.
8) Paella (Паеља) - Шпанија
Паељата има потекло од Валенсија и е јадење коа мора да се проба – се состои од ориз, зеленчук, морска храна или месо и голема доза на шафран.