Совршеното сценарио како ја гледате совршената градба на Fontana di Trevi додека уживате во совршениот вкус на италијанскиот сладолед веќе нема да може да го доживеете. Имено властите во Рим, забранија да се јаде или пие додека сте на посета низ познатите фонтани во Рим, кои се вкупно 40.
Освен ова, градоначалникот на Рим, Вирџинија Раџи, забрани и да седите или да се разладувате во фонтаните. Ако полицијата ве фати како правите нешто од забранетите нешта, ќе ве казнат со парична казна од 240 евра.
Можеби ова е строга казна, но мора да се заштитат овие неверојатно убави фонтани по кои е познат Рим.