Сѐ повеќе луѓе се одлучуваат да одат на нудистички плажи, а едни од најубавите плажи се наоѓаат токму во Хрватска. Тие нудат уживање за сите и се најпосетени од нудистите.
Увала Гуштиња, Ровињ
Оваа плажа е оддалечена на околу 7км од Ровињ. Станува збор за дива плажа која не нуди никакви спортски, санитарни ниту пак гастрономски услуги. До неа може да стигнете пеш, бидејќи нема прооден пат со автомобил, но токму ова ја прави мошне привлечна.
Плат, Дубровник
Плат е една од малкуте плажи кои изгледаат како оаза на мир и тишина. Една од плажите е нудистичка, одвоена со карпи и наменета за оние кои сакаат да уживаат во приватност.
Бели, Крес
Под 130-метарски карпи скриена е песочната плажа Бели, а во близина се наоѓа густа шума. Близу плажата се наоѓа простор за кампување.
Мошченичка Драга
Жителите ја нарекуваат оваа плажа Сипар. На неколку стотини метри тече мал поток, а во близина се наоѓа и еден дел само за нудисти. На многумина ова им е омилената нудистичка плажа во Хрватска.
Островот Машкин, кај Ровињ
Станува збор за остров со крајбрежје од километар и пол исполнет со прекрасни плажи. На островот има прекрасна природа и е толку тивко, што е совршена за нудисти.