Кога ќе се спомне пустина, повеќето од нас замислуваат песок, сонце, карпи и екстремна топлина, меѓутоа не сите пустини се такви.
Нашата планета има различни пустински пејзажи, од покриени со песочни дини до карпести до терени кои личат на вонземски планети, па дури и лед.
Еве дел од нив:
1) Salar de Uyuni, Боливија
Оваа пустина е најголемата солена површина во светот и е лоцирана во планинскиот синџир Анди. Се формирала кога се исушило праисториско езеро и е покриена со бела сол и тенок слој вода за време на влажната сезона кој предизвикува ефект на совршено огледало.
2) Мохаве (Калифорнија, Невада, Јута и Аризона)
Пустината Мохаве се протега на површина од околу 64 800 квадратни километри и е најсувата пустина во Јужна Америка. Во неа има многу малку вегетација, а најпозната е по дрвото Џошуа кое расте само таму.
3) Намиб, Намибија
Намиб се протега скоро 2000 километри и се смета дека е една од најстарите пустини во светот. Позната е по колоритните розови и портокалови песочни дини кои некои се високи и по 300 метри, правејќи ги едни од најголемите дини на планетата.
4) The Wave (“Бранот“), Аризона
Оваа запрепастувачка карпеста формација позната како „бранот“ е сон за сите фотографи. Доколку, пак, некогаш ја посетите, знајте дека посетителите мора да учествуваат во дневна лотарија за билети – систем воведен за да се заштити структуралниот интегритет на „бранот“.
5) Бела пустина, Египет
Позната и како ел-Сахара ел-Беида, Белата пустина е национален парк во Египет, на неколку часа од Каиро. Поради карпестиот пејзаж делува како да се наоѓа на друга планета, а создадена е од формации на карпи од калциум кои се формирале од песочни бури и ерозија. Денски тие се заслепувачки бели, додека навечер светкаат како злато.
6) Национален споменик Бели Песоци, Ново Мексико
Белите Песоци покриваат 712 километри квадратни површина и се најголемиот светски депозит на снежно бел гипс креиран кога плитките мориња се повлекле пред милиони години. Поради минералната композиција, песокот е студен на допир.
7) Поларна тундра, Канада, Алјаска, Русија, Сибир, Скандинавија
Иако е направена од мраз, поларната тундра е изненадувачки слична на пустините, со тоа што во овој регион растат некои растенија (околу 100 дена годишно) благодарение на тенкиот слој лед кој се топи секое лето овозможувајќи влага за вегетацијата.