Македонија во последно време обрнува поголемо внимание на туризмот, па низ Скопје и Охрид можеме да сретнеме разни групи на луѓе од целиот свет. Сепак, за сега ова е многу помалку отколку што тоа го има во државите и градови во нашиот регион каде постојано има големи групи на туристи.
Но, постојат и држави кои ги посетуваат неверојатно мал број на луѓе. Од кои причини, прочитајте во продолжението на овој текст...
Доколку барате неоткриена, не толку позната и општо земја на која баш и не стапнале многу стапала – ова е приказна за вас! Накратко, ова е попис на 10-те најмали држави во светот во 2013-та година, па доколку сакате да истражувате да знаете што ве чека.
Палау
Број на туристи кои ноќевале: 105.000
Палау е остров кој се наоѓа на западниот Пацифик, конкретно во Микронезија. Бројот на туристи е таков поради оддалеченоста и поврзаноста.
Молдавија
Број на туристи кои ноќевале во 2013 - 96.000
Молдова, односно Молдавија е сместена помеѓу Романија и Украина. Најголемата стапка на СИДА во Европа и нерешените однос се најголем адут за непосетување на оваа дестинација.
Тимор-Лесте
Број на туристи кои ноќевале во 2013 - 78.000
Сместена на 1500 километри од северното крајбрежје на Австралија, Тимор-Лесте се наоѓа на островот Тимор, кој се наоѓа на јужниот крај на Индонезиските острови. Освен што не се препорачува доаѓање по морски пат поради пиратите, ниту односите со Индонезија баш и не се добрососедски.
Доминика
Број на туристи кои ноќевале во 2013 - 78.000
Доминика е остров во Малите Антили во Карипско море, а тука се неговите роднини Гуаделупе и Мартиник, кои имаат поголем број на туристи и тоа од Европа.
Сент Винсент и Гренадинес
Број на туристи кои ноќевале во 2013 - 72.000
Сент Винсент и Гренадинес е остров на прелазот од Карипско море во Атлански Океан. Од нив сепак се попопуларни Сетн Луциа, Гренада и Барбадос.
Ангуила
Број на туристи кои ноќевале во 2013 - 69.000
Остров во Карибите, источно од Порторико и Девствени острови.
Лихтенштајн
Број на туристи кои ноќевале во 2013 - 60.000
Лихтенштајн е земја окружена со Швајцарија и Австрија, и е една од двете земји во светот чии жители треба да поминат две копнени граници за да стигнат до морето.
Ниуе
Број на туристи кои ноќевале во 2013 - 7.000
Остров во јужен Пацифик оддалечен скоро две илјади километри од првата поголема цивилизација – Нов Зеланд.
Монтсерат
Број на туристи кои ноќевале во 2013 - 7.000
Монтсерат е вулкански остров на Карибите, прекуморско подрачје на Обединетото Кралство. Сместен е југозападно од Антигва, а северозападно од Гвадалупе. Најголем проблем се ерупциите.
Кирибати
Број на туристи кои ноќевале во 2013 - 6.000
Кирибати е тропски остров во Пацификот, оддалечен пет часа лет од Хаваи, кои се најголемите острови близу него. Е тоа се вика изолација!