Пред неколку години, се собраа повеќе руски ТВ, радио станици и новинарски куќи и одлучија да покренат гласање за најголемите руски чуда. Секој жител на Русија имаше можност да гласа преку интернет и sms пораки. Tака ги одбраа своите седум чуда на модерното време.
Бајкалско езеро
Бајкал се наоѓа во источен Сибир и се смета за најдлабокото езеро, но и најголем резервоар на вода за пиење во светот. Длабоко е 1.500 метри, а бојата на водата е изразито бистра и сина.
Долина на гејзерите
Долината се наоѓа во Камачатка, а интересна е поради стотината активни и привлечни гејзери. Токму оваа долина се наоѓа на листата на УНЕСКО за убави светски градини.
Споменикот „Татковината повикува“
Овој голем споменик е изграден во 50-тите години од минатиот век во Волгоград во чест на сите војници кои го изгубиле животот во Втората светска војна. Споменикот се наоѓа во Гинисовата книга на рекорди, а е два пати поголем од кипот на слободата во Њујорк.
Петергоф
Ова место е изградено по наредба на Петар I на почетокот на 17 век и се наоѓа во непосредна близина на Санкт Петербург. Поради зеленилото, водата, златото и убавата архитектура – се смета за топ атракција меѓу туристичките понуди во Русија.
Црквата Свети Василиј
Катедралата се наоѓа на Црвениот плоштад во Москва, а препознатлива е по своите конусни покриви и бои. Изградена е меѓу 1555 и 1561 година во чест на победата на царот Иван Грозни над Монголците.
Стубовите во Република Коми
Никој не е сигурен кога настанале, но научниците се сложуваат со едно – дека само природата можела да направи нешто такво. Се проценува дека настанале пред 200 милиони години, а нивната висина е 42 метри!
Елбрус
Елбрус е највисоката точка на Русија, а според некои и највисокиот врв во Европа. Висината на овој врв е 5.600 метри!