Австралискиот туристички објект „Jamala Wildlife Lodge“ воедно е зоолошка градина, аквариум и хотел во кој гостите имаат прилика да ги запознаат животните на единствен начин.
Ова место е отворено токму на почетокот на оваа година и се наоѓа на само 10 минути возење од Канбера. Идејата на сопственикот Ричард Тиндејл е да им укаже на луѓето дека постојат многу животински видови кои се во изумирање.
На три локации се наоѓаат вкупно 18 соби кои имаат капацитет за околу десетина гости. Некои од нив се сместени меѓу густа вегетација каде што живеат мајмуни, додека други се поставени на иста висина како и дрвата од кои се хранат жирафите.
Главната просторија се нарекува „Ushaka“ и е во вид на огромна буква U, со цел посетителите да може полесно да ги набљудуваат лавовите. Овде се наоѓа и уште една куќа веднаш зад аквариумите во која пливаат ајкули.
Едно од луксузните купатила гледаат на локацијата во која живеат мечките, а трпезаријата во главната куќа е опкружена со лавови. Една ноќ во овој хотел со пет ѕвезди изнесува 400 долари, цена во која е опфатена и прошетка во зоолошката градина и аквариуми, како и хранење на одредени видови животни.