Четириесет и четиригодишниот Израелец Амит за потребите на снимањето на една реклама морал да ги избричи брадата и мустаците што ги носел цел 14 години.
Искуството на „обезбрадениот“ Амит покажува колку една навидум мала работа, како што е брадата, прави разлика во изгледот на еден човек.
Откако се избричил, Амит отишол во семејната продавница, каде во моментот се наоѓале неговите мајка и сестра, кои во првиот миг не го препознале. Истото се случило и кога „променетиот“ Амит се сретнал со татко му. Сите тие во првиот миг биле шокирани, а потоа почнале да се смеат.
Новиот изглед на Амит бил уште пошокантен за неговата сопруга, која никогаш до тогаш го немала видено без брада. Таа, како и останатите не го препознала во првиот миг, а потоа кога сфатила што се случило била пресреќна.
- Кога те видов, сакав да те изневерам со новиот ти, му рекла сопругата.
Но, за разлика од сите останати ќерката на Амит, која целиот свој живот го знаела со брада, веднаш го препознала својот избричен татко.