Не е новина дека многу жени се изложени на вербално сексуално вознемирување, но неодамнешните истражувања открија колку е честа оваа појава во Перу. Истражувањето открило дека дури седум од десет Перуанки се изложени на гласни коментари, па една славна ТВ ѕвезда и тренер на одбојкарките во Перу, Наталија Малага решила да направи мал експеримент.
Таа ги убедила неколку мајки со помош на шминка и провокативна облека да поминат покрај своите синови и да ги видат нивните реакции. Првиот маж на глас прокоментирал за задникот на мајка му, а другиот ја нарекол „прасенце“.
- Рензо, што не е во ред со тебе? Јас не те научив на тоа да префрлаш вулгарни работи на жени. Сфаќаш ли што ми кажа сега? Не можам да верувам, викала првата мајка.
Целта на овој експеримент е да им ја покренат свеста на Перуанците и да почнат повеќе да ги почитуваат жените, а не само да ги гледаат како парче месо.