Српската тенисерка Ана Ивановиќ и германскиот фудбалер Бастијан Швајнштајгер денес ќе се венчаат во Венеција, во хотелот Аман Канал Гранде. Токму на ова место пред две години се венчаа познатиот Џорџ Клуни со неговата сопруга Амал Аламудин.
Имено, тие вчера пристигнале во Венеција и веднаш се упатиле на прошетка низ градот. Делувале мошне расположено, со оглед на тоа дека ги очекува најсреќниот ден во нивниот живот.
Парот го чува својот приватен живот во тајност, па на нивните социјални мрежи нема да пронајдете ниту една заедничка фотографија. Заеднички фотографии од нив за прв пат се појавија во медиумите во 2014 година. Токму и венчавката ќе ја чуваат во тајност, па присуството на новинарите нема да биде дозволено.