Да се добие Оскар сигурно не е мала работа, па сосема разбирливо е и да се падне од сцена во сета еуфорија поврзана со доделувањето на најпрестижните филмски награди на светот.
Рами Малек (37) годинава се закити со Оскарот за најдобра машка улога за филмот „Bohemian rhapsody“ во кој ја толкуваше улогата на легендарниот Фреди Меркјури.
Актерот, за кој ова е првиот Оскар во кариерата, непосредно по завршувањето на церемонијата падна од сцената, по што мораше да интервенираат и медицинските екипи. За среќа, Малек помина без сериозни повреди и по падот се појави пред фоторепортерите за да се фотографира со преостанатите добитници.
