Фановите на познатата женска група „Spice Girls“ беа шокирани откако Мел Б минатата недела во интервју изјави дека таа и Гери Халивел спиеле заедно додека биле дел од групата. Поранешната спајсица рече дека иако нејзината пријателка би можела да и се налути за ваквиот коментар, сепак тоа е вистината.
Гери, која досега молчеше во врска со целиот скандал, конечно се огласи преку изјава дадена за јавноста.
-Гери ги сака „Spice Girls“: Ема, Мелани Б, Мелани Ц и Викторија. Таа би сакала фановите да знаат дена она што се пишува деновиве, едноставно не е точно и многу го повредува нејзиното семејство. Со нетрпение чека да ги види девојките и сите фанови на турнеја, да помине неверојатно време со сите и да создаде нови спомени.
Мел Б, која е позната по својот бурен интимен живот, веќе неколку пати до сега потврди дека е бисексуалец. Сепак и покрај тоа што го тврди за нејзината колешка под групата, многумина сметаат дека ја даде изјавата само за да привлече внимание.