Раѓањето на синот на принцот Хари и неговата сопруга Меган Маркл, донесе голема среќа во кралското семејство. На возбудата и нема крај, па сосема е разбирливо е да се направи и по некој интересен гаф.
Принцот Вилијам, кој со раѓањето на бебето, доби внук, малку се збуни додека зборуваше со медиумите. Запрашан дали е возбуден околу новиот член на семејството, принцот рече:
- Да, апсолутно! Јас сум чичко...И ти исто!, мислејќи на својата сопруга војвотката од Кембриџ.
-Јас дефинитивно не сум чичко, му возврати таа, по што слатко се изнасмеаја на гафот.
Принцот истакна дека одвај чека да го запознае внукот во некој од наредните денови, со оглед на големата еуфорија околу породувањето. Освен тоа се пошегува дека ќе му посака добредојде на својот брат во светот без спиење, кој што доаѓа со родителството.