Роберт де Ниро: Трамп дојде на власт со помош на Русија Познати американски ѕвезди, меѓу кои актерите Роберт де Ниро, Мартин Шин, Лоренс Фишбурн и Софија Буш, продуцентот Роб Рајнер и писателот Стивен Кинг, снимија видео во кое ги изложуваат своите аргументи дека претседателот Доналд Трамп на власт дошол со руска помош.
Тие тврдат дека во 2016-та година „руската власт ја нападнала демократијата“ во САД со тоа што покренала „масовна тајна операција за да му помогне на Доналд Трамп да дојде на власт“.
– Доналд Трамп, ако слушаш, во име на целиот американски народ, ќе одговараш за тоа зошто никој, па дури ни претседателот на САД, не е над законот, се вели во видеото.
Притоа, актерите се повикуваат на извештаите на Роберт Милер. Официјалниот став на Белата куќа е дека „тие документи се пропаганда и Милер нема посочено цврсти докази за неговите тврдења“.
На крајот на снимката, јавните личности истакнуваат дека американскиот претседател треба да се уапси.
|