Од извори блиски до војвотката од Сасекс, Меган Маркл, медиумите дознаваат дека пред извесно време, таа му напишала трогателно писмо на својот татко.
Таткото на Маркл ја молел војвотката и принцот Хари да се смират со него, за тој да може да си го види внукот…Сепак, деновиве пак ги критикуваше поради „нивното лицемерие и нечесност“.
Имено, Томас Маркл за „Дејли Мејл“ изјави дека се надевал дека доколку не го види бебето Арчи, барем ќе добие слика од него, но тоа не се случило.
– Би сакал да ми испратат фотографија на Арчи, за да можам да ја врамам и да си ја ставам на ѕидот, до таа на Меган. Нели е тоа она што секој дедо би го посакал? Би сакал да знам дали го има препознатливиот нос на Меган. Понекогаш ми се чини дека луѓето мислат дека не ја сакам ќерка си. Многу ја сакам!, вели 74-годишниот Томас во интервјуто.
Натаму, тој вели дека се надевал дека откако ќе стане мајка, Меган ќе омекне и „ќе му подаде рака“.
Томас Маркл го избегнуваше интересот на јавноста со месеци.
– Тоа го правев само за на мојата ќерка да не ѝ предизвикам стрес и негативни емоции во бременоста, истакна тој.