Војводата и војвотката од Кембриџ ја започнаа својата турнеја на Пакистан. Според Кенсингтонска палата ова несомнено е најкомплексната посета која што ја имале со оглед на политичките тензии и стравовите поврзани со нивната безбедност.
Посетата на принцот Вилијам и неговата сопруга ќе биде под будното око на 1000 пакистански полицајци, кои треба да се погрижат патувањето да помине без проблем.
И додека двете нации се обидуваат да ги зајакнат меѓусебните врските, Кејт Мидлтон повторно е во центарот на вниманието со својата моќна појава. Војвотката ја испочитува традицијата на Пакистан, па уште на почетокот на посетата се појави во традиционални комбинации на облека, со потписот на локални дизајнери.