Меган Фокс и Брајан Остин Грин, по 10 години брак и уште шест години врска пред тоа, се разделија. Тоа го објави Грин во неговата интернет-емисија.
– Јас секогаш ќе ја сакам. Знам дека и таа секогаш ќе ме сака мене, а тоа што го градевме со години, е навистина посебно, изјави актерот во емисијата.
Тој нагласи дека со Меган сè уште се гледаат заради семејните празници и дека цврстата врска меѓу нив е од витално значење за нивните деца. Гласините за разделбата започнаа откако Меган беше видена со колегата од филмот „Machine Gun“, Колсон Бејкер. Но, ѕвездата од „Трансформери“ тогаш рече дека тој ѝ е само пријател.
Брајан и Меган се запознаа на сетот на „Hope & Faith“, а почнаа да се дружат во 2004-та година. Двојката беше мета на критики затоа што Фокс имаше 18 години, а Брајан – 30 години.
Ова не е прва нивна разделба. Откако се венчаа 2010-та година, Фокс поднесе барање за развод во 2015-та година. Една година подоцна, тие се смирија.