Поранешниот фудбалер Дејвид Бекам има намера да води своја готварска емисија. Преговорите сè уште се во тек, а првичните информации велат дека неговиот проект е во соработка со Би-би-си, Нетфликс и со продукциската куќа Студио 99.
Идејата за новото шоу на пензионираниот фудбалер, како што вели, му дошла за време на самоизолацијата поради корона-пандемијата. Семејството Бекам од дома често знаеше пред своите обожаватели да ги покаже своите вештини во домаќинството и во кујната.
Дејвид (45), наводно, веќе се сретнал и со познатиот британски ТВ-готвач Гордон Ремзи, за да добие совети околу неговиот претстоен проект.