Српската турбофолк пејачка, Светлана- Цеца Ражнатовиќ и нејзиниот син Вељко се позитивни на Ковид 19.
Цеца и нејзиниот син прво направиле серолошки тест, кој бил негативен. Потоа им бил направен уште еден тест со земање брис од носот и грлото, кој што е позитивен.
-Вељко и јас се чувствуваме добро, немаме никакви симптоми. Ќе бидеме во домашна изолација, до следното тестирање, изјави Цеца за Блиц.
Пејачката решила да се тестира откако дознала дека на домашната забава по повод раѓањето на внукот Жељко, била во контакт со лице позитивно на коронавирусот.
Според првичните информации станува збор за стилистот Стеван Радивојевиќ кој го подготвувал семејството Ражнатовиќ за прославата.