Пред извесно време, Том Хенкс и неговата сопруга Рита Вилсон „го прележаа“ Ковид-19, а сега актерот во интервју за британски „Гардијан“ вели дека не е премногу загрижен околу тоа дали ќе го дочека наредното утро.
– Кога бевме во болница, си реков: Имам 63 години, дијабетес тип 2, стент во срцето – дали сум случај со црвен сигнал? …Но, сè додека нашите температури не се покачуваа, а нашите бели дробови не се наполнија со нешто што би личело на пневмонија, не бевме загрижени. Јас не сум тој што наутро се буди и се прашува – дали ќе го дочекам крајот на денот или не? Јас сум прилично смирен околу тоа, вели Хенкс.
Прашан за тоа како американскиот претседател Доналд Трамп се справува со корона-пандемијата, актерот рече: Е па, отсекогаш сум мислел дека лидерот треба да биде смирен и информиран како водач. Не мислам дека го имаме тоа.
Натаму, тој повторно повика на општествена одговорност и здрав разум.
– Не биди морон, само почитувајте ги правилата. Едноставно е… Господи, до здравиот разум е. Има буквално само три работи што треба да ги правиме за подобро утре: Носете маска, физичко растојание и мијте ги рацете, додава актерот.