Бракот на Ким и Каније е на стаклени нозе, по скандалот од минатата недела. Ким Кардашијан Вест се сретна со својот сопруг Канје Вест во Вајоминг, но нивната средба не помина баш најдобро.
Реалити ѕвездата беше видно вознемирена и во солзи додека разговараше со Канје (43) по нивното заминување од еден локален ресторан за брза храна. Ова е прва средба на парот, по јавниот испад на Вест, кога раперот преку низа Твитер пораки ја обвини својата сопруга дека го изневерува со раперот Меик Мил, а воедно откри и дека двојката своевремено сакала да ја абортира ќерката Норт.
Ова е прв пат брачната двојка да биде забележана заедно, уште пред неговиот катастрофален прв митинг во предизборните кампањи во Северен Чарлстон, Јужна Каролина, откако ја објави својата кандидатура за претседател.
По контроверзното однесување и серијата обвинувања од страна на Каније, Ким сподели интимна исповед во која рече дека е немоќна пред случувањата и дека нејзиниот сопруг е брилијантен, но воедно и комплициран, алудирајќи на неговото биполарно однесување.
Во меѓувреме, проблематичниот рапер, повторно го искористи Твитер, но овој пат за да се извини.
-Би сакал да и се извинам на мојата сопруга Ким поради тоа што јавно кажав нешто што бешее приватна работа. Не се грижев за неа, како што таа се грижи за мене. Ким знам дека те повредив. Те молам прости ми. Ти благодарам што секогаш си тука за мене, напиша Каније.