Бред Пит (56) по се изгледа има нова девојка. Актерот беше уловен во придружба на 29 години помладата германска манекенка Никол Потуралски. Двојката беше фотографирана додека дискретно влегува во приватен авион на францускиот аеродром „Ле Бурже“.
Анонимен извор за Page Six изјави дека Бред и Никол се гледаат веќе некое време и уживаат во заедничкиот одмор. Парот за прв пат беше забележан на настап на Каније Вест во ноември 2019-та.
Актерот претходно беше во брак со Анџелина Џоли, со која се раздели во 2016-та. По разводот со Анџелина Џоли во 2016 година, Бред беше романтично поврзуван со дизајнерката на накит и холистичка исцелителка Сет Хари Калса, со актерката Алија Шокат и професорката на МИТ – Нери Оксман.