Зак Ефрон, Оливија Мун и други познати личности го позајмија гласот во филмската приказна за тестирањето козметички производи врз животни и штетните последиции потоа.
Иницијативата е на Холивуд и здружението ,,Humane Society International”. Тие издадоа краток цртан филм „Спаси го Ралф“, кој го прикажува просечниот ден на зајак во лабораторија за тестирање козметика.
– Овој филм предупредува на фактот дека животните и натаму страдаат, па сега е време тоа конечно да се забрани на светско ниво. Денес постојат многу други начини на тестирање кои не вклучуваат злоупотреба на животни, така што веќе нема оправдување за тортурата на суштества како Ралф за целта козметичка индустрија, рече Џефри Флокен, претседател на ,,Humane Society International”.
Гласовите ги позајмија Таика Ваитити, Рики Џервејс, Зак Ефрон, Оливија Мун, Пом Клементиф и Триша Хелфер. Спенсер Сусер го напиша сценариото и режираше филмот, а Џеф Веспа е продуцент. Тука е вклучен и стручњакот за кукли, Енди Гент, кој помогна да се создаде ликот на Ралф. Актерот Рики Џервејс „е бесен“ на пробите врз животни.
– Нема причина да капнуваме хемикалии во очите на зајаците или да им го даваме тоа како храна на стаорци, само за да правиме кармин или шампон. Науката еволуираше доволно за да ни обезбеди други методи за тестирање кои не вклучуваат животни. Мора да се запре оваа сурова практика и сега е време да се стори тоа, рече Џервејс.