Познатиот комичар, Боб Сагет (65) е пронајден мртов во својата хотелска соба во „Ritz- Cartlon”, Орландо, само неколку часа откако имал настап.
Иако деталите за смртта се уште не се познати, првичниот полициски извештај исклучува употреба на дрога и насилство. Безживотното тело на Сагет било пронајдено од вработените во хотелот.
-Тој ни беше сé и сакаме да знаете колку многу ги сакаше своите обожаватели, настапите во живо и зближувањето на луѓето од сите животни сфери заедно со смеа. Иако бараме приватност во овој момент, Ве покануваме да ни се придружите во сеќавањето на љубовта и смеата што Боб ги донесе на светот, напиша неговото семејство.
Сагет ќе остане запаметен по својата улога во култната серија ,,Полна куќа”, a воедно и како водител на ,,Американски најсмешни видео инсерти”.