Вил Смит застана во одбрана на Џејда Пинкет Смит откако Крис Рок се пошегува со нејзината ќелавост – предизвикана од алопеција, за време на церемонијата на Оскарите.
Додека ја доделуваше наградата за најдобар документарен филм, Рок кажа низа шеги кои ја исмеваа публиката. Кога стигна до сопругата на Вил Смит комичарот рече дека едвај го чека продолжението на G.I. Jane, споредувајќи ја со ликот на Деми Мур чија коса е избричена.
По овој коментар Вил Смит му пријде на сцената и му удри шлаканица. Откако се врати на своето место, Смит му викна на Рок: „Задржи го името на мојата жена надвор од твојата е**** уста“.
На паузата по инцидентот, кој несомнено беше најшокантниот момент во историјата на Оскарите, Вил Смит беше забележан како разговара со Дензел Вашингтон, Бредли Купер и Тајлер Пери.
Само неколку мигови подоцна актерот повторно се најде на сцената, но овој пат за да го прими Оскарот за најдобра машка улога во ,,King Richard”.
Во својот говор тој и се извини на Академијата за инцидентот, но воедно спомена дека е мошне заштитнички настроен кон оние што ги сака.