По сe изгледа дека на Амбер Херд ќе и биде мошне тешко да ја убеди јавноста во наводното семејно насилство за кое што го обвинува поранешниот сопруг, Џони Деп.
Актерката вечера ја даде својата прва изјава пред судот, во која раскажа за тоа како нејзината романса со Деп, прераснала во насилство поради неконтролираното користење на дрога и алкохол од страна на актерот.
-Никогаш нема да го заборавам првиот пат кога ме удри. Тоа ми го промени животот. Отпрвин се смеев, мислев дека се шегува...Ми удри шлаканица без причина додека водевме нормален разговор седејќи на софата, раскажа Херд и додаде дека по инцидентот Џони и се извинил и и ветил дека таквото однесување никогаш нема да се повтори.
Сепак, нештата наместо да се порават само се влошиле. Деп постојано и велел дека се облекува непристојно и бил мошне љубоморен. Таа сведочеше дека во една прилика насилно ја грабнал и ја искинал облеката и со прстите и ја пребарувал вагината, барајќи кокаин.
Во текот на целото свое сведочење, Херд се трудеше што повеќе да гледа во поротата и беше на раб да заплаче, но тоа не ја убеди јавноста.
Коментарите на социјалните мрежи буквално ја распнаа, велејќи дека ова е најлошата глума во нејзиниот живот. Според многу жртви на насилство, однесувањето на Херд не соодвестува со однесување на жртва, а нејзините крокодилски солзи се само перформанс за медиумите.
Судејќи по она што може да се прочита, се повеќе луѓе застануваат на страната на Џони Деп и не веруваат во нејзината приказна, а тоа се одразува врз нејзината популарност, која вртоглаво опаѓа. Петицијата за нејзино отпуштање од Aquaman 2 до сега ја потпишаа повеќе од 3 милиони луѓе.