Џенифер Лопез вчера наполни 53 години, а во чест на својот роденден позираше гола и го промовираше последното козметичко парче од ,,J Lo Beauty” брендот.
Станува збор за крем за тело кој што е наменет за нега на кожата на задникот.
Лопез вели дека овој производ е нешто за што таа размислувала „целиот живот“, откако пораснала гледајќи ја борбата на нејзината мајка со целулитот и чувствувајќи се фрустрирана од недостатокот на решенија.
-Работејќи со научниците, откривме дека кремот навистина го подобрува изгледот на кожата, објаснува пејачката и додава дека состојките кои ги користеле ги избледуваат стриите, а во исто време ја затегаат и измазнувата кожата.
-Ние не земаме обичен крем и го лепиме моето име на него, вели Џеј Ло.
Пејачката деновиве престојува во Париз со својот сопруг Бен Афлек, каде што го минуваат медениот месец по нивната венчавка во Лас Вегас.