Пријанка Чопра, Ен Хатавеј и Зендаја блеснаа во полн сјај во Венеција.
Триото беше во центарот на вниманието на ревијата за накит на Bvlgari. Секоја облечена на свој уникатен начин, актерките заедно позираа на настанот за луксузната италијанска модна куќа.
Хатавеј (40) облече сребренo златна тоалета од Atelier Versace, дизајнирана од самата Донатела Версаче. Изгледот го надополни со ѓердан со големи розови скапоцени камења.
Чопра (40) носеше сличен впечатлив ѓердан, кој го спои со дводелен комплет со голи рамена, додека ѕвездата на „Еуфорија“ избра црна тоалета во класичен ретро холивудски стил со потписот на Ричард Квин.