Софија Лорен вчера била примена на итна операција, по претрпени неколку скршеници, откако паднала во нејзиниот дом во Швајцарија.
![](http://images.idividi.com.mk/images/sofija_L.jpg)
Според извор близок до актерката, постои „внимателен оптимизам“ за исходот од операцијата и закрепнувањето потоа. Италијанската филмска икона која на 20 септември наполни 89 години, паднала во бањата и се здобила со повеќе скршеници кај колкот и сериозна фрактура на бутната коска, изјави неименуваниот извор за „Холивуд репортер“ .
Лорен требаше да отвори ресторан во Бари, источна Италија, на 26 септември - тоа ќе биде четвртата гостилница што го носи нејзиното име.
Легендарната актерка требаше да стане и почесен граѓанин на тој град, но сега сите ангажмани се откажани, до наредното известување.