Џенифер Лопез го посети Бен Афлек во неговиот дом во Лос Анџелес за да му го честита 52. роденден на 15 август и покрај тоа што тој не присуствуваше на нејзиниот неодамнешен 55. роденден во Хемптонс, Њујорк, објави „People’.
На познатата пејачка-актерка не ѝ пречеше фактот што Бен си купи „ергенска“ куќа токму на нејзиниот роденден. Средбата меѓу Лопез и Афлек, инаку, привлече внимание повторно благодарение на новинарите кои ја следеа Џенифер до новиот дом на актерот.
Посетата, се наведува, не траела повеќе од половина час, а потоа Лопез заминала на концерт на Бруно Марс. Непосредно пред таа да пристигне кај својот засега последен сопруг, кај Бен пристигнала и неговата поранешна сопруга Џенифер Гарнер.
Неодамна во медиумите се појавија подробности дека Лопез и Афлек ги финализирале документите за развод. Според познаниците, ѕвездите се обиделе да го спасат својот брак, но не успеале.