Зои Кравиц и Ченинг Тејтум повеќе не се заедно.
Повеќе извори потврдија за People магазинот дека актерката од Бетмен и ѕвездата на Magic Mike ја прекинале својата 3 -годишна врска и ја раскинале свршувачката.
Познатата двојка започна да се забавува во 2021 година со помош на Рајли Киу, внуката на Елвис Присли, која му испратила порака на Тејтум, велејќи: „Еј, имам пријателка која сака да ти испрати нешто. Дали ја познаваш Зои Кравиц? Ќе ти го дадам нејзиниот број.“
Тејтум и Кравиц важеа за мошне среќна двојка, па никој не беше изненаден кога пред една година ја објавија веста за својата свршувачка.
Парот последен пат беше виден заедно на претстава во Њујорк. Сепак, People магазинот објави дека Зои деновиве била забележана во јавноста без нејзиниот свршенички прстен, што веднаш ги подгреа гласините за наводната разделба.